Да сёлетняга 8 сакавіка Нацыянальны статыстычны камітэт склаў партрэт сярэднестатыстычнай беларускі.

На пачатку 2022-га ў краіне жыло звыш 4,9 мільёна жанчын, што складае 53,8% ад агульнай колькасці насельніцтва. З іх каля 80% жыло ў гарадах або гарадскіх пасёлках.
Сярэдні ўзрост сучасных беларусак — 43,3 года. У горадзе гэтая лічба складае 42,2 года, а на вёсцы — 47,3.
Сярэдні ўзрост жанчын, якія працуюць, у 2022-м склаў 41,9 года. Больш за ўсё іх у працэнтных суадносінах занята ў сферы медыцыны і сацпаслуг (84%), на другім месцы адукацыя (83,2%), на трэцім — фінансавая і страхавая дзейнасць (74,9%).
Цікава, што сярод кіраўнікоў ва ўзросце ад 20 да 49 гадоў 52,3% — жанчыны.
Сярод тых жанчын, якія працуюць, больш за 40% маюць вышэйшую адукацыю, больш за 27% — сярэднюю спецыяльную.
У 2021 годзе больш за 59 тысяч беларускіх жанчын узялі шлюб, больш за 38 тысяч з іх зрабілі гэта ўпершыню. Узрост кожнай трэцяй нявесты склаў ад 20 да 24 гадоў. Пры гэтым сярэдні ўзрост для першага шлюбу — 26,3 года, а для паўторнага — 38,8.
На тысячу мужчын летась прыпадала 1163 жанчыны.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары