Da sioletniaha 8 sakavika Nacyjanalny statystyčny kamitet skłaŭ partret siaredniestatystyčnaj biełaruski.
Na pačatku 2022-ha ŭ krainie žyło zvyš 4,9 miljona žančyn, što składaje 53,8% ad ahulnaj kolkaści nasielnictva. Ź ich kala 80% žyło ŭ haradach abo haradskich pasiołkach.
Siaredni ŭzrost sučasnych biełarusak — 43,3 hoda. U horadzie hetaja ličba składaje 42,2 hoda, a na vioscy — 47,3.
Siaredni ŭzrost žančyn, jakija pracujuć, u 2022-m skłaŭ 41,9 hoda. Bolš za ŭsio ich u pracentnych suadnosinach zaniata ŭ śfiery miedycyny i sacpasłuh (84%), na druhim miescy adukacyja (83,2%), na trecim — finansavaja i strachavaja dziejnaść (74,9%).
Cikava, što siarod kiraŭnikoŭ va ŭzroście ad 20 da 49 hadoŭ 52,3% — žančyny.
Siarod tych žančyn, jakija pracujuć, bolš za 40% majuć vyšejšuju adukacyju, bolš za 27% — siaredniuju śpiecyjalnuju.
U 2021 hodzie bolš za 59 tysiač biełaruskich žančyn uziali šlub, bolš za 38 tysiač ź ich zrabili heta ŭpieršyniu. Uzrost kožnaj treciaj niaviesty skłaŭ ad 20 da 24 hadoŭ. Pry hetym siaredni ŭzrost dla pieršaha šlubu — 26,3 hoda, a dla paŭtornaha — 38,8.
Na tysiaču mužčyn letaś prypadała 1163 žančyny.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary