ЗША зрабілі захады, каб збіты беспілотнік не трапіў у чужыя рукі
Прадстаўнік Рады нацыянальнай бяспекі Белага дома Джон Кірбі заявіў у эфіры тэлекампаніі Сі-эн-эн, што ЗША «зрабілі захады», каб беспілотны апарат MQ-9 Reaper, які ўпаў у аўторак у Чорнае мора, не трапіў у чужыя рукі.
«Мы, зразумела, не хочам, каб хтосьці, акрамя нас, да яго дабраўся», — сказаў Кірбі.
Раней прадстаўнік Пентагона генерал Патрык Райдэр заявіў, што беспілотнік, які пацярпеў крушэнне, не аказаўся ў руках расійскіх вайскоўцаў.
Раней у расійскіх праваенных тэлеграм-каналах з'явіўся аўдыязапіс, на якім чуваць, як нейкія людзі вядуць перамовы на рускай мове аб падняцці са дна некаторых абломкаў дрона. У прыватнасці, сцвярджаецца, што ўдалося падняць «кажух рухавіка ўнутранага згарання». Гэтыя звесткі не пацверджаны афіцыйна.
Улады ЗША абяцалі апублікаваць кадры з інцыдэнтам, аднак пакуль незразумела, ці ідзе гаворка пра фотаздымкі альбо відэазапісы.
ЗША заявілі, што іх разведвальны беспілотнік MQ-9 Reaper сутыкнуўся з расійскім знішчальнікам Су-27 у небе над нейтральнай часткай Чорнага мора і затым упаў у ваду. У расійскім Мінабароны адмаўляюць факт сутыкнення і сцвярджаюць, што дрон ляцеў з выключанымі транспондарамі ў бок анексаванага Крыма.
Чытайце таксама:
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка сёння асабіста правярае боегатоўнасць Узброеных сіл
-
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя6
Каментары