Агенцтва ўнутранай бяспекі Польшчы ліквідавала шпіёнскую сетку, якая працавала на Расію і павінна была здзяйсняць падрыхтоўку да дыверсійнай дзейнасці ў Польшчы. Пра гэта са спасылкай на крыніцы піша RMF FM.
У рамках расследавання супрацоўнікі АУБ затрымалі шэсць чалавек, а на чыгуначных шляхах і аб'ектах нацыянальнай крытычнай інфраструктуры з-за дзейнасці сеткі была абвешчана трывога. Затрыманыя з'яўляюцца іншаземцамі «з-за ўсходняй мяжы», якія, як меркавалася, працавалі на расійскія спецслужбы.
Агенты АУБ затрымалі іх у сувязі з выяўленнем схаваных камер на важных маршрутах і чыгуначных вузлах, якія фіксавалі рух на шляхах і перадавалі выявы ў сетку.
Паводле інфармацыі, атрыманай RMF FM, гаворка ідзе перш за ўсё пра ўчасткі чыгуначных шляхоў у Падкарпацкім ваяводстве — у прыватнасці, каля аэрапорта ў Ясёнцы непадалёк ад Жэшува. Гэты аэрапорт — галоўны транзітны пункт для паставак заходняй зброі і боепрыпасаў для Украіны. Камеры таксама былі ўсталяваныя ў іншых частках Польшчы.
У сувязі са спецаперацыяй супрацоўнікі службаў і паліцыі прыведзены ў стан павышанай гатоўнасці. Асаблівую ўвагу праваахоўнікі надаюць бяспецы стратэгічна важных чыгуначных шляхоў у Польшчы, а таксама ўзмоцненай ахове ключавых аб'ектаў крытычнай інфраструктуры.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
явно какихто белорусов да украинцев подставили..