Другі год запар на калгасным полі пад Пінскам разліваецца Ясельда. Наваяўлены вадаём аблюбавалі лебедзі і качкі, паведамляе «Медыя-Палессе».
![](http://nashaniva.com/img/w732d4webp1/photos/z_2023_03/lebedi-6dmcr.jpg.webp)
У гэтым годзе разводдзе пачалося ў студзені. З-за дажджоў і раставання снегу падняўся ўзровень грунтавых вод, практычна ўсе рэкі Палесся выйшлі на пойму. Напрыклад, у Пінску галоўная водная артэрыя — Піна выйшла на набярэжную і падступіла да новабудоўлі ў новым мікрараёне горада.
![](http://nashaniva.com/img/w732d4webp1/photos/z_2023_03/lebedi4-wcxzt.jpg.webp)
Незвычайную карціну гэтымі днямі могуць назіраць аўтамабілісты ўздоўж трасы М-10. Ад моста праз раку Ясельда да самага лесу, калі ехаць у бок Лунінца, дзясяткі гектараў зямлі сышлі пад ваду.
Часовы вадаём аблюбавалі лебедзі і качкі. Іх тут не менш за сотню.
Каментары