На будынку гарадскога ўрада польскага Элка да Дня Волі вывесілі беларускі сцяг
24 сакавіка ў польскім горадзе Элк, што ў паўночным Вармінска-Мазурскім ваяводстве, мясцовыя ўлады з нагоды Дня Волі вывесілі беларускі нацыянальны бел-чырвона-белы сцяг на знак салідарнасці з беларусамі, піша «Белсат».
«Цяпер у Беларусі многія людзі зняволеныя ў турмы з прычыны палітычных абвінавачанняў. У выніку рэпрэсій грамадзянская супольнасць руйнуецца, а беларусы вымушаныя пакідаць радзіму. У нашым горадзе таксама пражываюць беларускія сем’і, якія ў пошуках бяспекі эмігравалі ў нашу краіну», — гаворыцца ў звароце, апублікаваным на сайце мясцовага кіраўнічага органа.
Бела-чырвона-белы сцяг у знак салідарнасці з беларускімі дэмакратычнымі сіламі быў вывешаны на будынку мэрыі Элка.
Таксама на лічбавых экранах гарадской ратушы адлюстроўваецца графіка ў колерах гістарычнага сцяга Беларусі і надпіс пра салідарнасць з беларускім народам.
Сцяг у Элку вывесілі на просьбу мясцовых беларусаў, якія звярнуліся з адпаведнай прапановай на электронны адрас прэзідэнта горада Томаша Андрукевіча.
«Мы проста напісалі ліст, і праз некалькі дзён нам даслалі адказ з прапановай патэлефанаваць на нумар і ўзгадніць візіт да прэзідэнта горада. І ўжо на самой сустрэчы спадар Андрукевіч распавёў, што сцяг на салідарнасць з беларусамі будзе вывешаны», — распавялі беларусы Элка ў каментары «Белсату».
Бел-чырвона-белыя сцягі на знак салідарнасці з беларусамі ўжо вывешвалі ў Элку ў верасні 2020 года.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары