Вядомы расійскі пісьменнік Барыс Акунін паведаміў, што ў яго напісаўся «незапланаваны, нечаканы для мяне самога раман пра прыгоды Эраста Фандорына і яго сябра Масы. Забаўляльны і легкадумны, гэта значыць абсалютна не адпаведны настрою эпохі».
Раман называецца «Яма», і пры яго напісанні, як сцвярджае аўтар: «Я адцягваўся гэтай працай ад думак чорных. Спадзяюся, ён хоць на нейкі час адцягне і вас».
Назва рамана мае «чацвярное значэнне», а што гэта значыць, чытач даведаецца толькі яго прачытаўшы.
Кніга мае выйсці ў маі.
Пры гэтай нагодзе Акунін таксама падзяліўся нядаўна атрыманай ім статыстыкай, што ў амерыканскага партнёра, які прадае яго кнігі, цэлая траціна пакупнікоў, аказваецца, з Расіі. «Гэта значыць, — робіць выснову пісьменнік, — многія не хочуць плаціць грошы ў сваёй краіне, хоць цана ў амерыканскай краме істотна вышэйшая».
Каментары