У Мінтрансе расказалі, чаму праблема пабудаваць бетонку і колькі такіх зробяць за 2023 год
У Беларусі не могуць моцна рушыць наперад у будаўніцтве трывалых бетонных дарог. Хаця, здаецца, хапае і матэрыялу, і абсталявання, і дарожнага палатна, якое мае патрэбу ў рамонце. Але тэхналогію не спяшаюцца пераносіць на трасы, канстатуе СТБ.
Цэментныя заводы зведалі маштабную рэканструкцыю, дарожнікі асвойваюць бетонаўкладчыкі і ўсё больш «бетонак» наносяць на карту краіны. За апошнюю пяцігодку ў Беларусі праклалі або аднавілі 176 кіламетраў аўтадарог з бетонным пакрыццём.
У 2023 годзе запланаваны ўвод паўднёва-заходняга аб'езду Магілёва — 11,5 кіламетра. Таксама працягваюцца работы па рэканструкцыі аўтадарогі Р53 на ўчастку ад Смалявіч да Жодзіна (15 кіламетраў) з уводам у наступным годзе. Таксама ў гэтым годзе пачнецца рэканструкцыя ўчастка аўтамабільнай дарогі М3 ад Лагойска да Плешчаніц, каля 15 кіламетраў. Усе гэтыя дарогі будуць у цэментнабетонным выкананні, распавёў Рыгор Глазко, намеснік начальніка галоўнага ўпраўлення аўтамабільных дарог Міністэрства транспарту і камунікацый Беларусі.
Але ён прызнае, што пералік можа падацца бедным.
І называе некалькі праблем з бетонным пакрыццём. Гэта складанасці тэхналагічнага характару. Асфальт застывае за лічаныя гадзіны, па заканчэнні якіх можна запускаць рух.
Бетон у гэтых адносінах больш пераборлівы — 28 сутак па ім нельга не тое што пускаць тэхніку, але нават хадзіць.
Ён павінен набраць трываласць. Таму дарожнікі вымушаны перанакіроўваць транспартныя патокі, што не заўсёды зручна.
Акрамя таго, догляд за бетонам вельмі спецыфічны. «Асаблівасці — гэта швы. І гэтыя швы трэба пры добрых умовах ачышчаць, выдзімаць. Недзе дагерметызаваць», — тлумачыць Уладзімір Латушкін, генеральны дырэктар упраўлення дарожна-маставога будаўніцтва і добраўпарадкавання Мінгарвыканкама.
Пытанні застаюцца і ў частцы зімовага ўтрымання бетонных дарог. У першыя гады эксплуатацыі пасыпаць пакрыццё соллю і іншымі агрэсіўнымі саставамі нельга.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім8
Каментары