Пасля пачатку вайны Нацбанк Украіны заблакаваў рахункі беларусаў і расіян. Цяпер — скасоўвае дамовы абслугоўвання рахункаў.
ПрыватБанк — найбуйнешы банк Украіны. Многія беларусы, якія беглі ад рэпрэсій ва Украіну, адкрывалі рахункі менавіта ў ім.
Прычыну закрыцця рахункаў банк растлумачыў тым, што не можа належным чынам верыфікаваць людзей, запрасіць усе неабходныя дакументы для праверкі, пазбегнуць выпадкаў, калі падаецца недакладная ці заведама непраўдзівая інфармацыя.
Для пералічэння рэшты сродкаў на рахунках банк прапануе звярнуцца да іх у тэрмін да 30 дзён з моманту атрымання ліста.
Такія лісты беларусы атрымліваюць з мінулага тыдня.
Як расказаў «Нашай Ніве» кансультант ПрыватБанка, сродкі могуць перавесці на любы іншы ўкраінскі банкаўскі рахунак, які належыць асобе, з якой скасоўваюць дамову, або іх можна самастойна забраць наяўнымі ў касе ў любым аддзяленні банка.
Перавод на рахунак еўрапейскага банка немагчымы.
На пытанне, што рабіць беларусам, якія выехалі з Украіны, а заехаць назад не могуць, таму што іх не пускаюць у краіну, кансультант банка прапанаваў зрабіць даверанасць на іншага чалавека ва Украіне альбо пералічыць сродкі УСУ, падпісаўшы адпаведную заяву.
Калі асоба, з якой разрываюць дамову, не звернецца ў банк праз 30 дзён, сродкі будуць пераведзеныя на балансавы рахунак ПрыватБанка. Як сцвярджаецца ў лісце, вярнуць сродкі можна будзе пры звароце ў банк.
Чытайце таксама:
У БНБ-Банку скончыліся загатоўкі для банкаўскіх картак
Насельніцтва Беларусі ў сакавіку павялічыла валютныя дэпазіты ў банках — Нацбанк
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2020
Каментары