МУС: 30% людзей, абвешчаных у вышук у Беларусі, хаваюцца ў Расіі
Амаль 30% людзей, абвешчаных у вышук беларускай міліцыяй, хаваюцца на тэрыторыі Расіі, заявіў кіраўнік беларускага МУС Іван Кубракоў у Маскве на сумеснай калегіі міністэрстваў унутраных спраў 18 красавіка, паведамляе Mlyn.by.
Па словах Кубракова, «асаблівую небяспеку ўяўляюць тыя, хто знаходзіцца ў вышуку за ўчыненне экстрэмісцкіх або тэрарыстычных злачынстваў, якія маюць дачыненне да незаконных узброеных фарміраванняў і міжнародных злачынных груп».
Падчас выступу Кубракоў адзначыў, што міністэрствы ўнутраных спраў Беларусі і Расіі ўжо «адпрацавалі тактыку і методыку выяўлення і затрымання асобаў, якія знаходзяцца ў міждзяржаўным вышуку» і падкрэсліў, што «не павінна быць перашкодаў для выдварэння ў краіну грамадзянскай прыналежнасці тых, хто хаваўся і быў затрыманы на тэрыторыі Саюзнай дзяржавы».
Цяпер у Міждзяржаўным інфармацыйным банку, сфармаваным на базе Галоўнага інфармацыйна-аналітычнага цэнтра МУС Расіі, знаходзіцца больш за 83,5 тысячы чалавек, аб’яўленых у вышук расійскім бокам, і каля 8 тысяч — беларускім, распавёў кіраўнік расійскага МУС Уладзімір Калакольцаў. Паводле яго, з пачатку 2022 года на тэрыторыі Расіі затрымалі каля 900 чалавек, якія хаваліся ад праваахоўных органаў Беларусі.
Кубракоў таксама распавёў, што каля 43% зніклых без звестак у розны час і па розных прычынах выехалі ў Расію. Паводле Калакольцава, за 2022 год устаноўлены лёс каля 350 зніклых без звестак грамадзян Беларусі.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары