Навука і тэхналогіі33

Ці змогуць акіянскія хвалі стаць для чалавецтва невычэрпнай крыніцай энергіі?

Інжынеры спадзяюцца, што новая тэхналогія стане прарыўной у галіне электраэнергетыкі.

Фота: pixabay

Пакуль беларускія навукоўцы працуюць над стварэннем робата-даяркі і змагаюцца са свабодай слова і цвярозым розумам, іх амерыканскія калегі распрацоўваюць прылады пераўтварэння хвалевай энергіі ў электрычную — або WEC (wave energy conversion devices). Распрацоўкай новых прылад займаецца Нацыянальная лабараторыя аднаўляльных крыніц энергіі (NREL), якая падпарадкоўваецца Міністэрству энергетыкі ЗША.

Патэнцыял выкарыстання энергіі акіянічных хваль сапраўды ўражвае. Паводле ацэнак амерыканскіх экспертаў, штогод хвалі ля берагоў ЗША могуць забяспечваць каля 2,64 трыльёна кілават-гадзін электраэнергіі. Гэта магло б пакрыць 60% гадавых патрэб электраэнергіі такой вялізнай краіны, як ЗША, забяспечыўшы ёю 18 мільёнаў дамоў.

Прылады WEC (wave energy conversion devices) уяўляюць сабой дэвайсы, некаторыя з якіх падобныя на буі, а некаторыя — на кілімкі ці цыноўкі. На дадзены момант даследчыкі не спыніліся на адной канструкцыі і вывучаюць, якая будзе найбольш эфектыўнай і, як вынік, камерцыйна мэтазгоднай, распавядае Inverse.

Розныя дызайны будучых прылад / Выява: Joshua Bauer, NREL

Распрацоўшчыкі WEC параўноўваюць сённяшнюю індустрыю хвалевай энергіі, якая толькі зараджаецца, з пачаткам развіцця ветравой энергіі. У 1970-я гады кампаніі ўсё яшчэ вывучалі розныя канструкцыі турбін, пакуль праз шмат гадоў не прыйшлі да высновы, што трохлопасная ветравая турбіна была найбольш эфектыўным рашэннем. У 2022 годзе на энергію ветру прыходзілася 11 % вытворчасці электраэнергіі ў ЗША.

Дзеянне прыладаў WEC заснавана на запатэнтаванай летась тэхналогіі, якая мае назву DEEC-Tec, што расшыфроўваецца як distributed embedded energy converter technologies — тэхналогіі размеркаваных убудаваных пераўтваральнікаў энергіі. 

Розныя варыянты канцэптаў DEEC-Tec / Выява: Besiki Kazaishvili, NREL

DEEC-Tec працуе як падводная коўдра з мноства малюсенькіх пераўтваральнікаў энергіі (кожны звычайна мае памер усяго некалькі сантыметраў), сплеценых у адзіную структуру, якая можа згортвацца ў розныя формы для больш эфектыўнага збору энергіі. Унутры кожнага пераўтваральніка эластычная структура змяшчае станоўчыя і адмоўныя электроды — пад дзеяннем вады прамежак паміж электродамі звужаецца, і яны выпрацоўваюць электрычнасць.

Сёння атрыманне энергіі з мораў сутыкаецца таксама і з мноствам экалагічных праблем. Напрыклад, эксперты павінны пераканацца, што матэрыялы, якія выкарыстоўваюцца ў WEC, экалагічна чыстыя і здольныя супрацьстаяць моцным ударам хваль. Таксама павінна быць гарантыя, што прылады не нанясуць шкоды марскім жывёлам ці далікатнаму прыбярэжнаму асяроддзю.

Тым часам першы ў ЗША эксперыментальны праект па выкарыстанні хвалевай энергіі ў прамысловым маштабе можа запрацаваць ужо да 2025 года. Праект пад кіраўніцтвам Oregon State University называецца PacWave і будзе падключаны да мясцовай электрасеткі ў горадзе Ньюпарт, штат Арэгон. Па плане ён зможа вырабляць да 20 мегават электраэнергіі, што дастаткова для забеспячэння каля 2000 дамоў.

Ілюстрацыя, якая паказвае тэставую ўстаноўку PacWave South / Выява: Oregon State University

Каментары3

  • Што тут думаць, усё навідавоку...
    24.04.2023
    Не, ня змогуць марскія хвалі стаць для чалавецтва невычэрпнай крыніцай энэргіі. Бо на Зямлі няма нічога невычэрпнага, створанага прыродай. Усё канечна, усё мае свой ліміт, як і само матар'яльнае йснаваньне, а па-за ім у гэтай энэргіі няма патрэбы.
  • American
    25.04.2023
    Пакуль беларускія навукоўцы працуюць над стварэннем робата-даяркі і змагаюцца са свабодай слова і цвярозым розумам, іх амерыканскія калегі распрацоўваюць прылады пераўтварэння хвалевай энергіі ў электрычную

    пусть для начала американские ученые найдут способ модернизировать электросети которые устарели и не являются надежным средством доставки энергии до потребителя, а энергия океанов еще в 70 годах разрабатывалась, до сих пор ничего не сделано. отмывка денег военного бюджета пока. 
  • Американские ученые
    12.01.2024
    American , есть! товарищ диванный генерал. Разрешите идти?

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць