У Шанхаі ў 32‑гадовай жанчыны выявілі рэдкі выпадак заражэння лёгкіх паразітамі — першы ў гэтым вялізным горадзе. Хвароба была выкліканая лічынкамі стужачнага чарвяка Spirometra mansoni, якія звычайна шкодзяць падскурным тканкам, а не ўнутраным органам. Медыкі звязваюць інфікаванне з тым, што пацыентка рэгулярна ела сырых жаб, піша Live Science.
Жанчына звярнулася ў бальніцу пасля чатырох месяцаў пастаяннага кашлю з эпізодамі крывавай макроты па два-тры разы на дзень. За месяц да кашлю ў яе была тэмпература да 38,3°C.
Спачатку ёй быў пастаўлены дыягназ эазінафільная пнеўманія — рэдкае запаленне лёгкіх, пры якім лейкацыты назапашваюцца ў дыхальных тканках. Лячэнне стэроідамі не дапамагло, а паўторная камп'ютарная тамаграфія паказала рэцыдыўныя ўчасткі паражэння лёгкіх, пасля чаго жанчыну накіравалі ў іншую клініку.
У другой бальніцы звярнулі ўвагу на харчовыя звычкі: жанчына часта ела сырыя морапрадукты і жаб. Аналіз крыві паказаў антыцелы да Spirometra mansoni — паразіта, які выклікае спарганоз.
«Інфекцыі спарганозу звычайна выяўляюцца ў тканках, размешчаных непасрэдна пад скурай, каля паверхні цела. Яны рэдка мігруюць ва ўнутраныя органы. Гэта першы задакументаваны выпадак у Шанхаі», — гаворыцца ў матэрыяле.
Жанчыну вылечылі, а ці памяняла яна пасля таго харчовыя звычкі — невядома. Медыкі нагадваюць, што ўжыванне сырога мяса жывёл у некаторых рэгіёнах Усходняй Азіі нясе высокую рызыку заражэння паразітамі.
Падобны выпадак у Кітаі ўжо быў: 82‑гадовая жанчына з горада Ханчжоу трапіла ў бальніцу пасля таго, як праглынула восем жывых жаб пры спробе вылечыць хранічныя болі ў спіне.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Индия, кстати, дико антисанитарная страна, но там едят в основном растительную пищу , а не всяких тварей, и потому из Индии инфекции не распространяются