Сёння з'явілася інфармацыя, што беларуса Валянціна Цішко вывезлі з Львова на мяжу з Польшчай.
Ён падаўся ва Украіне на статус уцекача больш як паўгода таму, піша «Белсат», але статуса ўцекача не атрымаў.
Сёння стала вядома, што Цішко вывезлі з Львова на мяжу з Польшчай.
Жыхар Маладзечна Валянцін Цішко працаваў журналістам, быў палітычным актывістам і актывістам ЛГБТ-руху, а таксама атрымаў духоўны сан у Грэцкай аўтакефальнай праваслаўнай царкве Амерыкі і Канады — малалікай некананічнай царкве.
У 2019 годзе ён балатаваўся ў Палату прадстаўнікоў Нацыянальнага сходу і прэзентаваў сябе як першы адкрыты ЛГБТ-кандыдат. У адрозненне ад большасці апазіцыйных прэтэндэнтаў, Цішко тады зарэгістравалі ў якасці кандыдата.
Ва Украіне Цішко жыў з 2021 года.
«Я знаходжуся на самым захадзе Украіны — гэта горад Львоў, — расказваў ён радыё «Рацыя» 18 дзён таму. — На маё шчасце, я ў глыбокім тыле. Тут я ўжо два гады. У прынцыпе на сёння ўсё выглядае больш-менш цудоўна і нармальна. Цішыня, нас болей не бамбяць. Народ прывык ужо да паветраных трывог, да паліцыі ў горадзе, да вайскоўцаў. Таму зараз усё нармальна».
Украіна стала неахвотна даваць статус уцекача і дазволы на жыхарства грамадзянам Беларусі, пасля таго як наша краіна была выкарыстаная расійскімі войскамі для нападу на суседнюю дзяржаву.
Вы не паверыце, кім аказаўся «выпадковы» баяніст на вакзале, які спяваў пра Лукашэнку18
Каментары