У вёсцы Ачукевічы Навагрудскага раёна стафардшырскі тэр'ер загрыз свайго гаспадара. Трохгадовую дачку мужчыны ўдалося выратаваць.
Днём 9 мая ў міліцыю паступіла паведамленне, што мінчанін і ягоная дачка, якія прыехалі ў вёску, другі дзень не выходзяць на сувязь, паведаміла навагрудская раёнка «Новае жыццё».
Мясцовы ўчастковы, прыбыўшы да патрэбнага дома, пабачыў, што вокны і дзверы ў ім зачыненыя. Суседка расказала яму, што некалькі разоў стукалася ў дом, але ёй ніхто не адказваў. Адначасова жанчына папярэдзіла, што ў доме можа знаходзіцца сабака байцовай пароды.
Адчыніўшы акно, міліцыянер пабачыў цела мужчыны са слядамі ран на падлозе, а ў куце — дзяўчынку. Дзяўчынка баялася падысці да акна, бо сабака на яе гыркаў.
Калі прыехалі іншыя супрацоўнікі міліцыі і адцягнулі сабаку, дзіця ўдалося выцягнуць праз акно. Дзяўчынцы аказалі медыцынскую дапамогу, сабаку ўсыпілі.
Маці дзіцяці расказала, што сабака жыў у іх шэсць гадоў, яго ўзялі шчанюком, выхоўвалі і дрэсіравалі. Да гэтага гадаванец ніякай агрэсіі нібыта не праяўляў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары