Начная атака на Кіеў была выключнай па сваёй шчыльнасці — улады сталіцы
У ноч на аўторак ва ўкраінскай сталіцы прагрымела серыя гучных выбухаў, спрацавала супрацьпаветраная абарона.
У Кіеўскай адміністрацыі сказалі, што, паводле папярэдняй інфармацыі, падзенне абломкаў зафіксаванае ў Абалонскім, Шаўчэнкаўскім, Саломенскім і Дарніцкім раёнах сталіцы, паведамляе Бі-бі-сі.
«Выбухі ў Кіеве. Некалькі — у Саломенскім раёне. А ў Шаўчэнкаўскім, на тэрыторыю заапарка, упалі абломкі ракеты», — сказаў мэр Кіева Віталь Клічко.
Раней на большай частцы тэрыторыі Украіны была абвешчаная паветраная трывога.
Па словах кіраўніка ваеннай адміністрацыі Кіева Сяргея Папко, была здзейсненая «комплексная атака з розных кірункаў адначасова, з ужываннем БПЛА, крылатых ракет і, верагодна, ракет балістычнага тыпу».
Папко называе атаку «выключнай па сваёй шчыльнасці — максімальная колькасць ракет за самы кароткі прамежак часу».
Паводле яго слоў, пераважная большасць ракет была знішчаная.
Папко ўдакладніў, што найбольшыя пашкоджанні зафіксаваныя ў Саломенскім раёне — там было ўзгаранне нежылога памяшкання і некалькіх аўтамабіляў.
Мэр Кіева Віталь Клічко паведамляў раней, што, паводле папярэдняй інфармацыі, у Саломенскім раёне ёсць трое пацярпелых.
Начная атака на Кіеў — восьмы паветраны напад на ўкраінскую сталіцу з пачатку мая.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары