У Светлагорску затрымана восем супрацоўнікаў тэлеканала «Ранак»
Паводле інфармацыі праваабаронцаў, затрыманнем кіраваў гомельскі ГУБАЗіК. Супрацоўнікаў тэлеканала сёння будуць судзіць паводле арт. 19.11 КаАП (распаўсюд экстрэмісцкіх матэрыялаў).
У Светлагорску затрымана восем супрацоўнікаў тэлеканала «Ранак», сярод якіх Андрэй Ліпскі, Павел Рабко, Марына Бычкоўская, Крысціна (прозвішча невядомае) і яшчэ адна маладая жанчына, імя якой таксама невядома, — яе адпусцілі, бо яна цяжарная, паведамляюць гомельскія праваабаронцы.
Кіраўніка тэлеканала выклікалі ў райвыканкам.
Раней паведамлялася пра пяцярых затрыманых.
Дакладная прычына затрыманняў невядомая. Паводле слоў крыніцы, супрацоўнікаў тэлеканала затрымалі за падпіскі на суполку «Светлік. Светлагорск» у «Аднакласніках» (не ўнесена ў спіс «экстрэмісцкіх»).
Сапраўднай прычынай затрымання мог стаць сюжэт пра выбух на Светлагорскім ЦКК, у якім загінула тры чалавекі.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары
Зашыйце сабе вушы, вочы і вусны, паважаныя грамадзяне краіны і прорста працуйце. І тады магчыма за вамі не прыйдуць