Сёлета гулянні на радзіме Лукашэнкі ў Александрыі Шклоўскага раёна ў рамках штогадовага фестывалю «Александрыя збірае сяброў» пройдуць больш сціпла, чым гэта было раней, паведамляе Orsha.eu.
Гэтым разам фестываль будзе ісці не два дні, як заўсёды, а толькі адзін дзень — 8 ліпеня. Акрамя таго, за яго наведванне трэба будзе і заплаціць. Ужо сёння на фестываль прадаюцца квіткі па 46 рублёў, праўда, гэта цана квітка толькі на гала-канцэрт з удзелам расійскіх зорак.
Хто з расійскіх зорак выступіць на гэтым канцэрце, пакуль не паведамляецца.
Фестываль «Александрыя збірае сяброў» праводзяць з 2010 года. Раней ён заўсёды арганізоўваўся з вялікім размахам, на яго кожны раз прыязджаў Лукашэнка. Да Александрыі ў гэты дзень запускаліся дадатковыя цягнікі, выступалі дарагія расійскія зоркі, быў шыкоўны салют і г. д.
Каментары