Мінадукацыі абдумвае дапрацоўкі ў сістэму ўступнай кампаніі, у тым ліку ў ЦЭ. Пра магчымыя змены расказаў першы намеснік міністра адукацыі Аляксандр Бахановіч у парламенце.
Ён расказаў, якія новаўвядзенні абмяркоўваюцца адносна цэнтралізаванага экзамену.
«Магчыма, шкалы пераводу балаў будзем загадзя даводзіць да ведама грамадскасці, яшчэ задоўга да пачатку ЦЭ, каб людзі разумелі, як будзе адбывацца падлік.
Яшчэ, дапусцім, у асабістым кабінеце нароўні з баламі, якія будзем выкладваць, мы можам выкласці і скан, копію адказаў, каб кожны школьнік, яго бацькі, настаўнікі маглі паглядзець і параўнаць. Ёсць бланк адказаў, ёсць шкала, ёсць ацэнка», — дадаў першы намеснік міністра.
Ён таксама закрануў тэму мэтавай падрыхтоўкі і адзначыў яе высокую эфектыўнасць.
«Мэтавая падрыхтоўка будзе вельмі маштабна развівацца. Тыя этапы ўступнай кампаніі, якія мы вылучылі, якраз і дазваляюць абітурыентам вызначыцца, ці хочуць яны пайсці канкрэтна на мэтавую падрыхтоўку, здаць унутраны экзамен. Там выкладчыкі вочы ў вочы бачаць узровень падрыхтоўкі абітурыента, пераконваюцца, што ён сапраўды мэтанакіравана ідзе на гэтую спецыяльнасць і хоча працаваць непасрэдна ў гэтай арганізацыі. На наш погляд, гэта дазволіць значна павялічыць замацаванасць кадраў пасля іх абавязковай адпрацоўкі, стварыць спрыяльныя ўмовы на рынку працы і забяспечыць запаўненне вакансій», — падкрэсліў Аляксандр Бахановіч.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд28
Каментары