Трамп распавёў, як ягоная размова з Пуціным нібыта адтэрмінавала ўварванне РФ ва Украіну на некалькі гадоў
Трамп паведаміў, што падчас размовы з Пуціным ён сказаў, што ўварванне будзе «катастрофай» і што за гэта давядзецца «плаціць у пекле».
Былы прэзідэнт ЗША Дональд Трамп распавёў, што ягоная размова з кіраўніком Крамля Уладзімірам Пуціным нібыта адтэрмінавала ўварванне Расіі ва Украіну на некалькі гадоў. Пра гэта ён расказаў у інтэрв'ю тэлеканалу Fox News, паведамляе «Еўрапейская праўда».
Трамп распавёў, што падчас размовы з Пуціным ён сказаў, што ўварванне будзе «катастрофай» і што за гэта давядзецца «плаціць у пекле».
Каментуючы свае заявы аб намерах завяршыць вайну РФ супраць Украіны, Трамп сказаў пра свае «вельмі добрыя стасункі» з Пуціным.
«З Пуціным у мяне вельмі добрыя стасункі. Я маю на ўвазе, што я не размаўляў з ім доўгі час, але ў мяне былі [з ім] вельмі блізкія стасункі», — адказаў Трамп на пытанне, як ён збіраецца скончыць вайну цягам 24 гадзін, пра што ён неаднаразова заяўляў.
Трамп таксама сцвярджае, што Пуцін не пайшоў бы на ўварванне ва Украіну, калі б прэзідэнтам ЗША застаўся ён.
На пытанне, ці лічыць ён Украіну самастойнай дзяржавай, Трамп адказаў, што так, але дадаў, што раней «гэта была адна краіна з Расіяй» і «Пуціну гэта падабалася».
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?8
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Почему украинские военные в 2017-2020 гибли в войне с Россией гораздо реже чем до и после этих лет? Это статистика.