Кіраўнік акупацыйнай расійскай адміністрацыі Херсонскай вобласці Уладзімір Сальда прызнаўся, што Чангарскі мост, які спалучае Крымскі паўвостраў з мацерыком, пашкоджаны нашмат больш сур'ёзна, чым думалі спачатку.
Паводле высокапастаўленага калабарацыяніста, у найбліжэйшыя 15-20 дзён на мосце будуць ісці даследчыя працы, а для перамяшчэння гэты аб'ект пакуль што непрыдатны.
Акупацыйная адміністрацыя Херсонскай вобласці заявіла пра пашкоджанне ракетамі Storm Shadow Чангарскага і яшчэ аднаго моста на перашыйку Крыма і мацерыка раніцай 22 чэрвеня.
Пацярпелых падчас гэтых удараў украінскай артылерыі не было, але ў выніку знішчэння Чангарскага моста ўскладніцца перакідванне вайсковай тэхнікі з паўвострава да Мелітопаля, найбольшага горада акупаванай часткі Запарожскай вобласці.
Каментары