Рух транспарту, а таксама працу стаянак і парковак на пр. Пераможцаў часова абмяжуюць 3 ліпеня. Некаторыя забароны пачнуць дзейнічаць ужо з 8-й раніцы.
«З 8:00 3 ліпеня не будзе функцыянаваць прыпыначная пляцоўка ў зоне Палаца спорту, на пр. Пераможцаў у напрамку ад вул. Леніна да вул. Мельнікайце, — растлумачыў прадстаўнік ДАІ Дзяніс Лівановіч. — Грамадскі транспарт будзе праязджаць міма.
З 16:00 будзе абмежаваны рух усіх відаў транспарту па пр. Пераможцаў ад вул. Сапёраў да вул. Мельнікайце і па пр. Машэрава ад вул. Ціміразева да вул. Даўмана ў двух кірунках.
Падчас правядзення святочных мерапрыемстваў будзе абмежаваны прыпынак і стаянка транспартных сродкаў, у тым ліку асабістага транспарту на ўчастку пр. Пераможцаў ад вул. Заслаўскай да пр. Машэрава, па мясцовым праездзе ў раёне гасцініцы «Планета», у завулку Канатным, на паркоўцы, размешчанай на пр. Пераможцаў па кірунку ад вул. Гвардзейскай да вул. Ігнаценкі, а таксама па вул. Старажоўскай, Старавіленскай, Нававіленскай і Алаізы Пашкевіч. Гэта звязана з праездам буйнагабарытнай тэхнікі, якая ўдзельнічае ў арганізацыі мерапрыемстваў».
Каментары