Кіроўца аўтобуса, які перавярнуўся з беларускімі турыстамі ў Польшчы, патлумачыў прычыны аварыі
У мінулую сераду ў Цярэспалі перавярнуўся рэйсавы аўтобус Брэст — Варшава. У ім ехалі ў тым ліку беларусы. У бальніцу трапілі 11 пасажыраў.
У Польшчы перавярнуўся аўтобус з турыстамі з Беларусі, 5 ліпеня 2023 года. Фота: granica_bypl / Telegram
Усяго ў аўтобусе знаходзіліся 49 пасажыраў, як піша bp24.pl. Паводле папярэдніх звестак, кіроўца не скарэктаваў хуткасць у адпаведнасці з дарожнымі ўмовамі. Аўтобус вылецеў на сустрэчную паласу руху і ў прыдарожны роў.
30-гадовы кіроўца-беларус быў цвярозы. Ён патлумачыў афіцэрам, што спяшаўся, бо яго прасілі пра гэта пасажыры аўтобуса, якія спазняліся. Аднак ён быў упэўнены, што праедзе гэты маршрут бяспечна.
Кіроўцу выставілі абвінавачванне ў ненаўмысным прычыненні аварыі. Яму пагражае да 5 гадоў турмы.
Каментары