Для Літвы гэта першае міжнароднае мерапрыемства такога ўзроўню, у якім возьмуць удзел лідары, кіраўнікі дыпламатыі, міністры абароны і іншыя высокапастаўленыя асобы з больш чым 40 замежных дзяржаў.
У Вільню прыбывае больш за тры тысячы членаў замежных дэлегацый, каля дзвюх тысяч прадстаўнікоў няўрадавых арганізацый і міжнародных медыя. На парадку дня лідараў Альянсу — увага да пытанняў калектыўнай абароны НАТА, узмацнення стрымлівання і падтрымкі Украіны, піша Delfi.lt.
На Віленскім саміце Украіна спадзяецца атрымаць выразны сігнал адносна перспектывы яе сяброўства ў NATO. Аднак лідары заходніх краін і Альянсу адзначаюць, што ў сувязі з расійскай вайной ва Украіне пытанне аб яе сяброўстве не можа абмяркоўвацца.
Члены Альянсу маюць намер таксама дамовіцца аб павелічэнні асігнаванняў на абаронны сектар. Цяпер краіны кіруюцца Валійскім пагадненнем 2014 г., якое прадугледжвае імкненне краін НАТА да 2024 года павялічыць выдаткі на нацыянальную абарону не менш чым да двух працэнтаў валавога ўнутранага прадукту (ВУП).
На Віленскім саміце плануецца дамовіцца, што два працэнты ВУП будзе мінімальным парогам — так званай «падлогай». Кіраўнікі краін НАТА таксама маюць намер дамовіцца аб неабходнасці надаваць больш увагі ўсходняму флангу Альянсу і ўмацоўваць перадавыя сілы НАТА, супрацьпаветраную і супрацьракетную абарону.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары