У Мінску бармэн пасварыўся з сябрам і разграміў дзевяць машын з дапамогай сметніцы
Ён біў па прыпаркаваных аўто рукамі, нагамі і нават жалезнай урнай.
Жыхары дамоў па вуліцах Галубка і Аладавых раніцай заўважылі, што адразу ў дзевяці машын, якія стаялі на паркоўцы ў двары, пашкоджаныя вокны, люстэркі, кузаў і салоны. Аказалася, усяму віной сварка сяброў.
24-гадовы бармэн тым вечарам пасварыўся з сябрам і вырашыў напіцца. Пад градусам хлопец адправіўся гуляць па начным горадзе.
Раптам бармэну захацелася спагнаць злосць на прыпаркаваных у чужым двары аўтамабілях. Ён стаў граміць машыны: біў па іх рукамі, нагамі і іншымі прадметамі, якія былі пад рукой, у тым ліку сметніцай.
Затым хлопец забраўся ў адну з машын і праехаў некалькі метраў, выкарыстоўваючы кнопку стартара. Пасля гэтага ён выйшаў з аўто і ўцёк.
Цяпер на бармэна распачалі крымінальную справу.
Каментары