У Беларусі спажыванне электраэнергіі ўзрасло амаль на 5% — Мінэнерга
У студзені-чэрвені ў Беларусі было спажыта 20,2 млрд кВт·г электраэнергіі, што на 946 млн кВт·г (амаль на 5%) больш у параўнанні з аналагічным перыядам мінулага года. Пра гэта расказаў міністр энергетыкі Віктар Каранкевіч, паведаміла прэс-служба Мінэнерга.
Паводле міністра, тлумачыцца гэты рост тым, што беларусы актыўна падключаюць у сваіх прыватных дамах электракатлы, а таксама даюць такі вынік падключаныя да электрычнасці новабудоўлі.
Спажыванне электраэнергіі грамадзянамі для патрэб ацяплення і гарачага водазабеспячэння за першае паўгоддзе бягучага года вырасла, паводле афіцыйнай статыстыкі, у 1,4 разу — да 390 млн кВт·г.
Усё больш прыватных дамоў нібыта хочуць падключыць электрычныя катлы. У перыяд з 2019 па чэрвень 2023 года ў арганізацыі энергазабеспячэння паступіла 102 тысячы зваротаў на далучэнне электраўстановак аднакватэрных жылых дамоў да электрычных сетак. Мінэнерга задаволіла 90% такіх заявак. У першым паўгоддзі бягучага года такіх заявак было 11,8 тысячы, з якіх задаволілі 93%.
Акрамя таго, спажыванне электраэнергіі таксама расце за кошт будаўніцтва новага электрыфікаванага жылля. У перыяд з 2021-га па першае паўгоддзе 2023-га года ў краіне ўведзена ў эксплуатацыю 840 тысяч кв. м электрадамоў.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары