Мінская гарадская ратуша ўрачыста запрашае жыхароў і гасцей горада наведаць фотавыставу «Шэдэўры калекцыі і артэфакты музея-запаведніка «Нясвіж».
У самым цэнтры сталіцы адбываецца летні музычна-турыстычны сезон. Вечары, канцэрты, выставы — нагода пазнаёміцца з гісторыяй бліжэй, даведацца пра нешта новае. У мінскай ратушы праходзіць выстава, прысвечаная 30-годдзю музея-запаведніка «Нясвіж». На ёй можна ўбачыць экспанаты музея, партрэты знакамітых людзей, якія ўнеслі свой уклад у гісторыю Нясвіжа, як граф Ян Аляксандр Гутэн-Чапскі, дзяржаўны дзеяч Вікенцій Гечан-Гечэвіч і многія іншыя.
Дзмітрый Яшчанка, дырэктар гісторыка-культурнага музея-запаведніка «Нясвіж», адзначыў, што Нясвіж — горад са сваёй вялікай гісторыяй. Наведнікам экспазіцыі будзе цікава адчуць атмасферу старажытнага Нясвіжа, пакратаць розныя артэфакты, убачыць партрэты людзей, якія займалі высокія чыны ў кіраўніцтве горада, уявіць, як яны жылі. Па словах Наталлі Жырко, першага намесніка дырэктара запаведніка, ідэя зрабіць выставу прыйшла спантанна. Каманда музейнікаў вырашыла прадэманстраваць 30 унікальных выставачных рэчаў і паказаць іх шырэй, чым у звычайнай экспазіцыі.
У зале, якая была аздобленая пад стыль XIX стагоддзя, можна было перанесціся ў мінулыя часы, знаёмячыся з артэфактамі. Сярод іх — парцаляна, вырабы з мармуру і срэбра, музычныя інструменты, слуцкія паясы, шэдэўры дэкаратыўна-прыкладнога і збройнага майстэрства, гадзіннікі, старажытная мэбля, печы і каміны.
Таксама ў хуткім часе выстава будзе арганізаваная ў віртуальным фармаце, каб усе жыхары Беларусі мелі магчымасць паглядзець на экспанаты. У ратушы яе можна наведаць да 30 ліпеня.
-
Наста Кудасава адправілася ў паэтычны тур па краінах Балтыі
-
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
-
Памёр стваральнік Сляпянскай воднай сістэмы. Здаецца, унікальны канал неўзабаве таксама можа памерці
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу24
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары