Вялікабрытанія зняла санкцыі з расійскага буйнога прадпрымальніка Алега Цінькова, вынікае з дакумента, апублікаванага на сайце брытанскага ўрада. Там гаворыцца, што Цінькоў выдалены са зводнага санкцыйнага спіса, паведамляе BBC.
Цінькоў, які знаходзіўся пад санкцыямі ад сакавіка мінулага года, неаднаразова публічна асуджаў расійскае ўварванне ва Украіну, а ў кастрычніку 2022 года ўвогуле адмовіўся ад расійскага грамадзянства.
Раней скасаваць санкцыі супраць Алега Цінькова заклікаў брытанскі бізнэсмен-мільярдэр Рычард Брэнсан, заяўляючы, што Лондан уключыў Цінькова ў санкцыйны спіс памылкова.
Цінькоў стаў другім расійскім бізнэсменам, вызваленым ад брытанскіх санкцый. 6 ліпеня Вялікабрытанія скасавала іх у дачыненні да былога намесніка старшыні Сбербанка Льва Хасіса. Як і Цінькоў, ён трапіў у санкцыйны спіс у сакавіку 2022 года. Але пасля пачатку расійскага ўварвання, як паведамлялі СМІ, Хасіс пакінуў Сбербанк і з'ехаў у ЗША.
Скасавання брытанскіх санкцый таксама дамагаліся расійскія мільярдэры Міхаіл Фрыдман і Пётр Авен. Яны жылі ў Вялікабрытаніі, калі пачалася вайна. Але з іх санкцыі пакуль не знятыя, нягледзячы на ініцыятывы расійскіх апазіцыянераў у іх падтрымку.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары