Тэмпература паветра ў Беларусі расце ў тры разы хутчэй, чым на планеце
Максімальны рост гадавой тэмпературы адзначаецца на паўднёвым усходзе.
Тэмпература паветра на тэрыторыі Беларусі расце ў тры разы хутчэй, чым на планеце ў цэлым. Вядучы навуковы супрацоўнік НПЦ па біярэсурсах Акадэміі навук Беларусі Анатоль Кулак тлумачыць, што гэта звязана з нашым фізіка-геаграфічным становішчам — Паўночнае паўшар'е награваецца мацней, як і суша, аддаленая ад акіянаў. Найбольшымі тэмпамі сярэдняя тэмпература расце ў халодны перыяд года і крыху павольней — у цёплы перыяд.
— Устойлівае снежнае покрыва служыць для насякомых абаронай ад моцных марозаў і насякомаедных птушак. А яго адсутнасць прыводзіць да таго, што колькасць відаў скарачаецца, — расказаў ён sb.by.
Знакавай была зіма-2019/20, калі ўстойлівая мінусавая тэмпература не назіралася. У выніку колькасць асобных відаў насякомых, у прыватнасці начных матылькоў, знізілася ў дзясяткі і нават сотні разоў. Цяпер іх папуляцыя паступова аднаўляецца.
Навуковец прагназуе, што змяненне клімату будзе аказваць уплыў на развіццё экасістэм.
За 30 гадоў сярэднегадавая тэмпература ў Беларусі вырасла на 1,36 градуса і склала амаль 7,3 градуса.
Цеплалюбівыя прадстаўнікі жывёльнага свету сталі актыўна да нас пранікаць з поўдня і паступова рассяляцца на поўнач. У Брэсцкай вобласці заўважылі залацістага шакала, а на тэрыторыі Палескага радыяцыйнага запаведніка пасялілася папуляцыя каня Пржавальскага. Але больш за ўсё змены адбіваюцца на мабільных відах — насякомых і птушках.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла23
Каментары