У Мінску пажылой жанчыне нечым не дагадзілі пракатныя самакаты, і яна ім адпомсціла ВІДЭА
У суполцы Мінск Live з'явілася відэа пенсіянеркі, якая граміла паркоўку шэрынгавых самакатаў і ровараў. Жанчына з палкамі для скандынаўскай хады падышла да транспартных сродкаў і пачала іх раскідаць, піша Blizko.by.
Скрыншот з відэа
Кінуўшы некалькі самакатаў, жанчына знікла ў падземным пераходзе. Яе матывацыя так і засталася незразумелай.
У каментарах да гэтай выхадкі паставіліся па-рознаму. Хтосьці патрабаваў пакараць пажылую жанчыну, а хтосьці ёй і паспачуваў, выказаўшы здагадку, што яна знаходзілася ў не найлепшым стане здароўя.
Каментары