У глыбінных водах Антарктыды выявілі незвычайную істоту з 20-цю канечнасцямі
Навукоўцы з Каліфарнійскага ўніверсітэта выявілі ў водах Антарктыды новую незвычайную істоту, якая мае 20 канечнасцяў, падобных на пёры. Пра гэта даследчыкі напісалі ў навуковай працы, апублікаванай у часопісе Invertebrate Systematics, перадае выданне Business Insider.
Па словах навукоўцаў, маленькія выпукласці на целе істоты вельмі нагадваюць «плады трускалкі», таму даследчыкі і далі ёй назву Promachocrinus fragarius (або Антарктычная трускалкавая пёравая зорка).
Самі пёравыя зоркі — від не зусім новы. Ён адносіцца да класа «Марскіх лілей», куды таксама ўваходзяць марскія зоркі, марскія вожыкі, марскія агуркі і гэтак далей. Аднак нядаўна выяўленая ў паўднёвым паўшар'і трускалкавая пёравая зорка значна пераўзыходзіць суродзічаў па памеры і колькасці канечнасцяў.
«Знойдзеная істота валодае памерам ад 20 сантыметраў і жыве на глыбіні ад 65 да 1170 метраў. Маленькія выпукласці на целе істоты вельмі падобныя на плады трускалкі, адсюль і назва. Перасоўваецца жывёла за кошт сваіх доўгіх канечнасцяў, падобных на пёры, а маленькія шчупальцы спераду патрэбныя для лоўлі ежы», — пішуць навукоўцы.
У цэлым навукоўцы адзначаюць, што выяўленне новых марскіх відаў стала справай звыклай. За год колькасць такіх адкрыццяў можа дасягаць ад 10 да 15. Складанасць, па словах даследчыкаў узнікае толькі ў аб'ёме працы і пошуку прыдатных назваў істотам.
Рыбак вылавіў самага вялікага сома ў свеце. Яго даўжыня амаль тры метры
«Нават пасля вяртання выліваю на сябе значна больш парфумы, чым рабіў гэта раней». Малады навуковец расказаў пра сваю працу ў Антарктыдзе
«Марскі кракадзіл», знойдзены на ўзбярэжжы Брытаніі, — самы старажытны прадстаўнік віду. Ён існаваў 185 млн гадоў таму
Каментары