Як за 10 гадоў змяніліся цэны на нерухомасць у Мінску: параўноўваем, што прынесла найбольшую выгаду

Цэны на кватэры

Сярэдні кошт «квадрата» ў Мінску станам на верасень бягучага года складае 1365 даляраў ЗША. Такія даныя прыводзіць аналітыка realt.by.

Дзесяць гадоў таму, перад першым нападам Расіі на Украіну, 15 верасня 2013 года, сярэдні кошт метра ў сталіцы знаходзіўся на ўзроўні $1831. Гэта паказчыкі былі блізкія да пікавых. Калі казаць пра «дзясятыя» ў цэлым, то пік цэн на нерухомасць прыйшоўся на першую палову кастрычніка 2013 года, калі квадрат у сталіцы ў сярэднім даходзіў да $1841. Абсалютны рэкорд па цэнах на нерухомасць прыйшоўся на восень 2007 года, калі сярэдні кошт «квадрата» ў Мінску пераваліў за 2 тысячы даляраў і складаў 2011 $/м².

Агулам за апошнія 10 гадоў кошт «квадрату» ў сталіцы знізіўся на 25,5%. 

Павялічыць

Сярэднія цэны на сталічныя кватэры ў залежнасці ад колькасці пакояў цяпер выглядаюць так:

Аднапакаёвыя — $54 300
Двухпакаёвыя — $65 400
Трохпакаёвыя — $85 100
Чатырохпакаёвыя — $99 700

Дзесяць гадоў таму парадак цэн быў зусім іншы:

Аднапакаёвыя — $70 000
Двухпакаёвыя — $98 600
Трохпакаёвыя — $135 000
Чатырохпакаёвыя — $166 700

Такім чынам, за 10 гадоў аднапакаёўкі згубілі ў цане каля 22,5%. Двухпакаёўкі — 33%, трохпакаёўкі — 37%, а чатырохпакаёвыя кватэры ў сярэднім згубілі 40% ад цаны 2013 года.

Арэнда кватэр у Мінску

Стаўкі на арэнду жытла ў Мінску 10 гадоў таму таксама былі вышэйшымі за цяперашнія.

Сярэдні кошт арэнды аднапакаёвай кватэры ў маі 2013 года складаў $340, двухпакаёвай — $400, трохпакаёвай — $500.

Павялічыць

Праз 10 гадоў сярэднія стаўкі па арэндзе выглядаюць так:

1-пакаёвыя — $266, 2-пакаёвыя — $337, 3-пакаёвыя — $ 456.

Камерцыйная нерухомасць

Дзесяць гадоў таму пікавымі былі не толькі цэны на жылую нерухомасць, але і на камерцыйную. 

Так, летам 2013 года, сярэдняя цана на квадрат офісаў В-класа ў Мінску была на ўзроўні 2430 $/м². Офісы класа С у сярэднім прадаваліся па $1866 за квадрат. У офісах, якія толькі будаваліся, цэны былі па 2146 і 1833 $/м² адпаведна.

Павялічыць

Ужо праз 10 гадоў кошт «метра» ў офісах В-класа складае $1451, а ў памяшканнях класа С — $1148.

Такім чынам, «офісны квадрат» у сталіцы за 10 гадоў згубіў у сярэднім каля 40% ад кошту ў 2013, што супастаўна са зніжэннем цэн на чатырохпакаёвыя кватэры.

У пытаннях арэнды ў 2013 годзе мы дайшлі да таго, што па цане арэнды офісных памяшканняў квартал у цэнтры Мінска ўвайшоў у трыццатку самых дарагіх у свеце.

Павялічыць

Сярэдні кошт арэнды 1м² з ПДВ у 2013 годзе ў сталіцы выглядаў так.

Офісы А класу — 41€/м², В+ — 22€/м², В — 21.1€/м² С — 16,9€/м².

А вось так сярэднія стаўкі выглядаюць сёлета:

Офісы А класу — 19,5€/м², В+ — 12,4€/м², В — 9,2€/м², С — 7,2€/м².

Арэндныя стаўкі за гэты час знізіліся прыблізна ў 2 разы.

Чытайце таксама: 

Самую дарагую кватэру ў жніўні прадалі ў доме Чыжа. Вось як яна выглядае

Цэны растуць, а колькасць здзелак набліжаецца да рэкорду. Што адбываецца на рынку жылля і як новы ўказ Лукашэнкі адаб'ецца на ім

Рэдкая прапанова. У «тых самых» Драздах на продаж выставілі катэдж. Вось як ён выглядае

• 11
• 0
• 5
• 3
• 4
• 4
• 4
• 0