Ізмаільскі ўніверсітэт дасць пяць бясплатных месцаў для студэнтаў з Беларусі
У беларусаў, якіх адлічылі з палітычных прычын, ёсць магчымасць працягнуць навучанне ва Украіне.
Ізмаільскі дзяржаўны гуманітарны ўніверсітэт дасць пяць бясплатных месцаў для студэнтаў з Беларусі, заўважыў «Белсат».
Гуманітарны ўніверсітэт у Ізмаіле (Адэская вобласць) і фонд «Вільна Білорусь» падпісалі мемарандум аб супрацы.
Цяпер у беларусаў, якія былі адлічаныя з навучальных устаноў у Беларусі з палітычных матываў або былі вымушаныя з'ехаць з краіны праз палітычны пераслед, зʼявілася магчымасць атрымаць адукацыю ва Украіне.
На гэты момант прадугледжана пяць месцаў для студэнтаў з беларускім грамадзянствам. Распачаць вучобу можна ўжо з лістапада гэтага года.
Больш падрабязную інфармацыю можна атрымаць на старонцы фонду «Вільна Білорусь».
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты26
Каментары