У Вільні паказваюць спектакль пра падзеі 2020-га. Аснова — п’еса Курэйчыка
Малы тэатр Вільні ладзіць гэтымі днямі беларускі спектакль. Гэта гісторыя пра падзеі 2020 года, якую толькі на некалькі вечароў пакажуць на беларускай мове.
Спектакль Infinity з’явіўся на віленскай сцэне ў кастрычніку 2022 года. Яго літаратурная аснова — рускамоўная п’еса драматурга Андрэя Курэйчыка, а таксама ўрыўкі з твораў літоўскага паэта і кінарэжысёра Ёнаса Мекаса. Для трох паказаў, што праходзяць у гэтым верасні, арганізатары зрабілі беларускія субцітры — іх для спектакля падрыхтаваў беларускі тэатральны крытык Дзяніс Марціновіч.
Infinity — міжнародны праект, які аб’ядноўвае ў сабе джаз і тэатр, і гэткімі мастацкімі сродкамі расказвае пра супрацьстаянне дабра і зла. Да акцёраў Малога тэатра ў гэтай пастаноўцы далучыўся шматнацыянальны джазавы калектыў NoJo Airlines Orchestra — сапраўдны аркестр на тэатральнай сцэне.
Паводле рэжысёркі спектакля Габрыэле Тумінайце, пастаноўка раскрывае супрацьстаянне рэжыму і вольнага чалавека. Рэжым парушае базавыя правы чалавека, яго самапавагу і годнасць. Чалавек мяркуе, што ў дэмакратычнай сістэме болей шануюць асобу, жыццё і правы людзей, таму ён выступае супраць рэжыму і змагаецца за дэмакратыю, за свабоду думаць і гаварыць так, як хоча. Тэатр і джаз у спектаклі — гэта нібыта спаборніцтва двух полюсаў: тэатр увасабляе напружанне аўтарытарызму, а джаз — дабро і дзейнасць свабоднай, непрыгнечанай творчай асобы.
Апошнія ў гэтым верасні паказы пастаноўкі пройдуць 21 і 22 верасня. Купіць білеты на спектакль можна па спасылцы.
«Наша Нiва» — бастыён беларушчыны
ПАДТРЫМАЦЬ«Эмоцыі зашкальваюць і ўціскаюць у фатэль». У Лондане паставілі «Дзікае паляванне караля Стаха»
Архітэктурныя творы аўтара бела-чырвонага-белага сцяга прызнаныя Сусветнай спадчынай ЮНЕСКА
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары