У Беларусь спрабавалі ўвезці новы люксавы аўтамабіль, скрадзены ў Германіі
28 верасня на польска-беларускай мяжы ў раёне Тэрэспаля была зафіксаваная спроба ўвозу скрадзенага ў Германіі люксавага аўтамабіля. Але ў справу ўмяшаліся польскія памежнікі.
Гаворка ідзе пра Audi A8 2023 года выпуску, на якім зламыснік хацеў заехаць у Беларусь, паведамілі польскія медыя са спасылкай на Памежную службу Польшчы.
«Супрацоўнікі памежнага атрада на брэсцкім пераходзе затрымалі 60-гадовага грамадзяніна Таджыкістана, які спрабаваў заехаць у Беларусь на крадзеным нямецкім Audi A8. Кошт аўтамабіля складае амаль 100 тысяч еўра», — заявіла памежная служба Польшчы.
Таксама адзначаецца, што сам аўтамабіль па выніку быў канфіскаваны і змешчаны на спецыяльную стаянку, а супраць зламысніка была заведзена крымінальная справа. Ён быў затрыманы.
Каментары