«Украінскія псеўдапатрыёты знішчаюць мемарыялы». Стала вядома пра разбурэнне помніка беларусам, якія загінулі за Украіну
Украінская блогерка @hrystynakafka расказала ў тыктоку сумную гісторыю пра тое, як у Кіеве «псеўдапатрыёты» пад выглядам «змагання з краінай-агрэсарам» дабіліся частковага зруйнавання мемарыяла, пастаўленага ў памяць пра беларусаў, якія загінулі, абараняючы Украіну.
Мемарыял быў устаноўлены, як сцвярджаецца на фасадзе каледжа Кіеўскага нацыянальнага ўніверсітэта тэхналогій і дызайну, яшчэ ў 2016 годзе, то-бок задоўга да расійскай поўнамаштабнай агрэсіі.
Паводле блогеркі, адзін неабыякавы хлопец павесіў на месца знятай «Пагоні» сваю ўласную.
Пакуль ён яе вешаў, да яго падышла жанчына, якая прадставілася намесніцай рэктара, і расказала, што нейкія людзі прыходзілі да кіраўніцтва каледжа і запатрабавалі, каб яны разабралі гэты мемарыял, бо з Беларуссю Украіна, маўляў, цяпер у стане вайны. Урэшце яны нібыта дайшлі да Міністэрства асветы і папрасілі «нешта зрабіць».
Спачатку мемарыял проста прыкрылі прасціной, але пасля з яго ўсё адно прыбралі бел-чырвона-белую сімволіку, якую намесніца рэктара забрала сабе.
Блогерка расказвае пра гэта вельмі эмацыйна, не спыняючыся нават перад нецэнзурнай лаянкай на адрас «псеўдапатрыётаў». Пры гэтым згадваючы таксама мінулагодні выпадак, калі ў Кіеве такія ж «псеўдапатрыёты» зрэзалі памятны крыж, пастаўлены ў 2020 годзе каля беларускай амбасады ў памяць пра пацярпелых ад рэжыму Лукашэнкі. Той зрэзаны крыж пасля забралі сабе беларускія добраахвотнікі-каліноўцы.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары