Агонь быў заўважаны яшчэ ўчора раніцай у раёне возера Чорнае і выспы Альшэўскі. Яго тушылі ўсе выходныя.
Пажар тушылі каля 40 супрацоўнікаў Дзісненскага лясгаса, паведамляе Міністэрства лясной гаспадаркі. Пры тушэнні выкарыстоўваліся 6 мотапомпаў, больш за 2 км напорных пажарных рукавоў.
Складанасць была ў тым, што ачаг узгарання знаходзіўся ў 7 км ад бліжэйшых пад'язных шляхоў. Таму дастаўляць абсталяванне і інвентар работнікаў лясгаса давялося пры дапамозе балотахода на пнеўматычным хаду.
Цяпер пажар ліквідаваны. Праводзіцца яго акаравульванне.
Мінлясгас мяркуе, што прычынай пажару з вялікай доляй верагоднасці мог быць чалавечы фактар.
У якасці асноўных версій пажару называюць неасцярожнае абыходжанне з агнём з боку рыбакоў (у непасрэднай блізкасці знаходзіцца возера) альбо ягаднікаў (у разгары журавінавы сезон).
Балоту Ельня больш за 9 тысяч гадоў. Гэта самае вялікае верхавое балота ў Беларусі і пятае па велічыні ў Еўропе.
Сваяк Віктара Лукашэнкі займае высокія пасады ў КДБ. Гэта высветлілася, калі забралі будынак дзіцячай паліклінікі9
Каментары