Прырост ВУП на 3,8%, інфляцыя 6%. Зацвердзілі эканамічныя прагнозы на 2024 год
Аляксандр Лукашэнка 2 кастрычніка падпісаў указ № 307, якім зацверджаны найважнейшыя прагнозныя параметры развіцця краіны на 2024 год.
Галоўнымі мэтамі эканамічнай палітыкі будучага года заявілі «забеспячэнне ўстойлівасці эканомікі і рост дабрабыту насельніцтва».
Прырост ВУП у 2024-м прагназуецца на 3,8%, а дасягнуць гэтага збіраюцца за кошт «маштабных інвестыцыйна-вытворчых праграм, рэалізацыі беларускай прадукцыі на знешнія рынкі і пашырэння ўнутранага попыту».
Інвестыцыі ў асноўны капітал маюць павялічыцца на 3,9% у супастаўных умовах, экспарт тавараў і паслуг — на 7,6%, рэальныя наяўныя грашовыя даходы насельніцтва — на 3,5%.
Інфляцыю плануецца ўтрымаць на ўзроўні, які не перавышае 6%.
Рост рэальнага заробку, паводле разліку стваральнікаў плана, складзе 103,9%, намінальны налічаны сярэднямесячны заробак па краіне павялічыцца да 2087 рублёў, у бюджэтным сектары — да 1634.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары