У Віцебску судзілі жанчыну, якая забіла котку з кацянём і выставіла відэа гэтага ў сацсеткі, паведаміла прэс-служба Віцебскага абласнога суда. Інцыдэнт з забойствам дзвюх жывёлін адбыўся ў Віцебску ў траўні 2023-га.
Як высветлілася, віцяблянка ў двары жылога дома спецыяльна забіла сваіх жывёл. Яна спачатку адсекла сякерай галаву кацяняці, а потым праз пару дзён і котцы. Увесь працэс жанчына здымала на відэа, а знятыя ролікі затым выклала на сваёй старонцы ў сацыяльнай сетцы.
Відэа не засталося незаўважаным, неўзабаве жанчыну затрымалі за жорсткае абыходжанне з жывёламі (ч. 1, 2 арт. 339-1 Крымінальнага кодэкса Беларусі).
Следчаму віцяблянка заявіла, што наўмысна забіла котку з кацянём і зняла відэа, каб, маўляў, папярэдзіць сваіх знаёмых, каб яны «не лезлі да яе», інакш ім таксама пагражае нешта падобнае. Сваю віну затрыманая прызнала цалкам.
Суд прызнаў жанчыну вінаватай ва ўчыненых злачынствах, палічыўшы, што жорсткае абыходжанне з жывёламі яна здзейсніла з хуліганскіх і іншых нізкіх памкненняў.
Прысуд — 1,5 года пазбаўлення волі ў папраўчай калоніі ва ўмовах агульнага рэжыму.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі24
Каментары