У жыхара Гомеля мабільнік загарэўся проста ў машыне. Мужчына атрымаў апёкі
Інцыдэнт адбыўся ўчора, мужчына на нейкі час трапіў у бальніцу.
Ілюстрацыйнае фота: «Наша Ніва»
У салоне BMW 2003 года выпуску ў 33-гадовага мужчыны загарэўся мабільны тэлефон, паведамляе абласное МНС.
Пры дапамозе падручных сродкаў мужчына ліквідаваў загаранне і самастойна звярнуўся па дапамогу ў бальніцу, дзе дыягнаставалі тэрмічны апёк правай кісці.
Мужчыну адпусцілі дадому на амбулаторнае лячэнне.
Аднак пажарам пашкоджаныя мабільны тэлефон і салон аўтамабіля.
Разгляданая версія — кароткае замыканне акумулятарнай батарэі тэлефона.
Каментары