Сярэдні заробак бюджэтнікаў вырас на 39,8 рубля, але «чыстымі» работнік атрымае ўсяго 392 даляры
Сярэдні заробак работнікаў бюджэтных арганізацый вырас на 39,8 рубля ў верасні пасля павелічэння базавай стаўкі на сем рублёў (з 228 да 235 рублёў) і складае 1485,1 рубля («чыстымі» гэта 1277,1 рубля).
1485,1 рубля — гэта 456 даляраў (згодна з сярэднім курсам за верасень $3,2574), або 392 даляры «чыстымі».
Вераснёвы сярэдні заробак склаў «бруднымі»:
- у выхавацелек у дзіцячых садах — 1203,2 рубля,
- у настаўнікаў — 1630,6 рубля,
- у прафесарска-выкладчыцкага складу — 2141,6 рубля,
- у сярэдняга медыцынскага персаналу — 1566,5 рубля,
- у дактароў — 2931,4 рубля,
- у дзяржаўным кіраванні — 2248,1 рубля.
За верасень увогуле сярэдні заробак у Беларусі быў 1939 рублёў «бруднымі» (у даляравым эквіваленце гэта $595,5), або 1668,2 рубля «чыстымі» (512 даляраў).
Чытайце таксама:
Упершыню за паўтара года сярэдні заробак «бруднымі» ўпаў ніжэй за 600 даляраў
1 студзеня мінімальны заробак вырасце на 13%
З 1 лістапада крыху падрасце бюджэт пражытачнага мінімуму
Каментары