Галоўнакамандуючы Украінскімі ўзброенымі сіламі пасмяротна ўзнагародзіў Змітра Рубашэўскага «Хрестом хоробрих».
«Сёння [у суботу — НН] малая дачка беларускага героя, Змітра Рубашэўскага з пазыўным Ганс, які аддаў сваё жыццё ва Украіне за нашу з вамі свабоду, атрымала ад галоўнакамандуючага Узброеных сіл Украіны Залужнага, узнагароду бацькі «Хрест хоробрих» пасмяротна. Слава Герою!», — напісаў у сваім фэйсбуку кіраўнік фонду «Вільна Беларусь» Аляксей Францкевіч.
30-гадовы Зміцер «Ганс» Рубашэўскі загінуў 12 красавіка 2022 года падчас баёў у Луганскай вобласці. Быў у складзе ротнай тактычнай групы, якая рабіла вылазкі ў тыл праціўніка. Перад смерцю «Ганс» знішчыў камандзіра расійскай групы.
Рубашэўскі родам з Берасця. Вучыўся ў будаўнічым вучылішчы. Ваяваў з 2015 года. Прыехаў у Львоў на футбольны матч зборных Беларусі і Украіны, так і застаўся.
Ваяваў у шэрагах «Правага сектара». За абарону шахты Бутаўка меў грамадскую ўзнагароду «Народны герой Украіны». Рубашэўскі меў некалькі раненняў. У 2019 годзе ў баях страціў вока. Пасля ранення яго даглядала сястра загінулага пабраціма. У хуткім часе яны пабраліся шлюбам, нарадзілі дачку.
У пачатку верасня гэтага года Уладзімір Зяленскі ўзнагародзіў яго ордэнам «За мужнасць» III ступені.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары