Спорт5252

«Я беларускую мову абсалютна не ведаю, нават не імкнуся яе вучыць». Раней беларуская, а цяпер расійская шахматыстка ўспомніла пра былую радзіму

Шахматыстка Вольга Бадзелька, якая два гады таму змяніла беларускае грамадзянства на расійскае, у інтэрв'ю расійскаму выданню Championat.com расказала пра прычыны, якія прымусілі яе стаць расіянкай, і сваё стаўленне да беларускай мовы ды літаратуры.

Вольга Бадзелька. Фота: championat.com

21-гадовая ўраджэнка Магілёва Вольга Бадзелька — узыходзячая шахматная зорка, яна з 2019 года мае званне міжнароднай гросмайстаркі. У 2021 годзе яна стала выступаць за Расію і ў інтэрв'ю патлумачыла, якія былі прычыны гэтага кроку і ці цяжка было памяняць грамадзянства.

Паводле слоў шахматысткі, расійскі варыянт быў для яе адзіным магчымым, а матэрыялы, у якіх сцвярджалася, што паралельна ёй паступалі прапановы ад ЗША, «пішуць дэбілы». Што да ўласна змены грамадзянства, то:

«Уласна, чаму я хацела перайсці менавіта ў ФШР. У Беларускай федэрацыі вельмі даўно няма нармальнай падтрымкі. Нават не памятаю часу, калі такое было. Няма ні спонсараў, ні трэнераў, ні каманды, ні канкурэнцыі нармальнай. Я хацела перайсці ў Расію, таму што тут моцная каманда, трэнеры».

Перайсці ў расійскае грамадзянства было зусім нескладана:

«Калі я пераходзіла, мы проста даслалі дакументы ў ФШР у духу: «Я такая і такая, хачу перайсці ў вашу федэрацыю». Падобныя заявы мы адправілі ў Беларусь. Дакументы мы выслалі ў ліпені, а ў кастрычніку прыйшло паведамленне аб пераходзе. Апошнія пару месяцаў была спрошчаная сістэма пераходаў, таму шмат спартсменаў перайшло, крыху памяняліся працэдуры».

Беларуская федэрацыя ніякіх прэтэнзій не мела, «таму я аўтаматычна праз тры месяцы перайшла без якіх-небудзь размоў, лістоў, выплат. У мяне ўсё вельмі лёгка прайшло».

Падчас інтэрв'ю Бадзелька шмат разважала пра свае літаратурныя густы, і ў пэўны момант яе запыталіся, якога аўтара яна магла б вылучыць з беларускай нацыянальнай літаратуры. На што атрымалі такі адказ:

«У школу я хадзіла вельмі мала, але з таго, што памятаю, мяне чаплялі пісьменнікі і паэты ваеннай эпохі, тыя, хто прайшоў Вялікую Айчынную вайну.

Я беларускую мову абсалютна не ведаю, нават не імкнуся яе вучыць, але ў школе прымушалі вучыць вершы, так што нейкія творы ў галаве яшчэ засталіся. Зачытваць вам вершы цяпер не буду, атрымаецца жудасна.

Так што я б вылучыла аўтараў той эпохі. Яны пісалі прыгожа, даводзілі сваімі творамі да слёз».

Канкрэтных імёнаў з вуснаў Бадзелькі не прагучала.

Каментары52

  • За Свабоду!
    15.11.2023
    "У школу я хадзіла вельмі мала..."  Ясна. Пазбавілся ад яе і добра. Рускі свет паглынуў сваю прыхільніцу. Ні розуму, ні адукацыі, нянавісць да ўсяго, што не рускае.
  • Кацап
    15.11.2023
    Увы, игра в шахматы не добавили ей хоть сколько то ума
  • парсюк
    15.11.2023
    Нельга помніць вершы на беларускай мове ячшэ са школы абсалютна ня ведаючы мовы. Так рабалепіць перад новымі гаспадарамі, адракаючыся ад беларушчыны, каб прынялі за сваю, уласціва некаторым беларусам. На жаль. 
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Усе навіны →
Усе навіны

Ветэрану з Гродна 97 гадоў — у 1945-м ахоўваў мост пад Ніжнім Ноўгарадам, а пасля вайны змагаўся з «бандэраўцамі»19

Анархісту ў Расіі далі 16 гадоў за падпал ваенкамата. Ён збег у Бішкек, яго злавілі і дэпартавалі

Брусэль плануе скараціць дыпперсанал у Беларусі11

Чарговы беларускі трэнер узначаліў кіпрскі «Арыс»

Колькі шэнгенскіх віз атрымалі беларусы ў 2024 годзе і якія краіны іх часцей выдаюць?9

Адзінаццаць гадоў Лукашэнка развівае гарады-спадарожнікі. Пакуль атрымліваецца не вельмі

У ЕС узгаднілі адмену штампаў на мяжы Шэнгену1

Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»13

Беларус знайшоў на набытым участку дзіўныя рэчы на выпадак апакаліпсісу1

больш чытаных навін
больш лайканых навін

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Галоўнае
Усе навіны →

Заўвага:

 

 

 

 

Закрыць Паведаміць