«Праект» дэталёва прааналізаваў, калі Пуцін трымаў дыстанцыю з суразмоўцамі, а калі не. Але на высновы не наважыўся
Выданне «Праект» прааналізавала дзейнасць прэзідэнта Расіі Уладзіміра Пуціна за апошні год. Журналісты паспрабавалі разабрацца, чаму ў адных выпадках Пуцін падчас публічных мерапрыемстваў знаходзіцца на вялікай дыстанцыі ад суразмоўцаў, а падчас другіх гэтай дыстанцыі няма.
Як падлічылі журналісты, з 1 лістапада 2022 года па 31 кастрычніка 2023 года Пуцін удзельнічаў у 521 афіцыйным мерапрыемстве.
На 43% сустрэч, сцвярджаюць аўтары, добра бачна, што Пуцін так ці інакш трымаецца на дыстанцыі ад сваіх суразмоўцаў (выступае па відэасувязі альбо знаходзіцца ад аўдыторыі на адлегласці як мінімум некалькі метраў).
У 36% выпадкаў Пуцін не дыстанцыяваўся ад удзельнікаў мерапрыемстваў, аднак яны, па даных «Праекту», перад сустрэчай з прэзідэнтам, знаходзіліся на каранціне. Людзі, якія ўвесь час суправаджаюць кіраўніка дзяржавы, праводзяць час у так званай «чыстай зоне», гэта значыць у пансіянаце, дзе жывуць і працуюць толькі людзі, якія прайшлі каранцін.
У 21% выпадкаў Пуцін, па падліках «Праекту», блізка кантактаваў з людзьмі, якія не сядзелі на каранціне. Гаворка ідзе аб замежных візітах, сустрэчах з замежнымі лідарамі, а таксама выпадкамі «спантанных» зносін Пуціна з людзьмі на вуліцах пасля нейкіх мерапрыемстваў.
У цэлым заканамернасць «Праекту» вывесці не ўдалося.
Выданне толькі згадвае чуткі пра існаванне двайнікоў Пуціна. Як сцвярджае «Праект», нават некаторыя журналісты крамлёўскага пула дапускаюць існаванне двайнікоў.
Каментары
еинный?