«Па што ідзеш, воўча?» Святланы Курс трапіла ў топ найлепшых твораў года ў Чэхіі
Твор «Па што ідзеш, воўча?» Евы Вежнавец (Святланы Курс) у перакладзе на чэшскую мову выйшаў у 2023 годзе ў выдавецтве Nakladatelství Pavel Mervart. А цяпер ён трапіў у топ найлепшых твораў года па версіі чэшскага партала Iliteratura.cz.
Фота: facebook.com/pflaumbaum.publishing
«Праз раман пісьменніцы Евы Вежнавец чэшскаму чытачу яшчэ раз нагадваюць пра абуральную, неспасціжную жорсткасць, з якой у мінулым стагоддзі неаднаразова разліваліся рэкі пралітай крыві ў Беларусі — якую калісьці стараўся апісаць Яхім Таполя ў сваім празаічным творы «Халодная зямля»
Уражлівасць рамана беларускай пісьменніцы Евы Вежнавец (нар. 1972, у цяперашні час жыве ў Варшаве) узмацняецца не толькі шакавальнай тэмай знішчэння людзей і ландшафту пры змене рэжымаў, але і выдатнай формай, якая ўдала выклікае шчырасць і выразнасць спантаннай прамовы», — піша партал Iliteratura.cz
Твор стаў лаўрэатам беларускай літаратурнай прэміі імя Ежы Гедройця ў 2021 годзе. Таксама «Па што ідзеш, воўча?» перакладзены на нямецкую мову.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары