Такія мерапрыемствы актыўна праводзіліся ў СССР пры Сталіне.
Прэзідэнт Уладзімір Пуцін даручыў ураду да сакавіка 2024 года падрыхтаваць прапановы аб правядзенні спартыўных парадаў на Краснай плошчы ў Маскве. Пра гэта гаворыцца на сайце Крамля, піша «Дождь».
Такое даручэнне паступіла ад прэзідэнта па выніках пасяджэння Савета па фізкультуры і спорце. Раней з такой ідэяй выступаў кіраўнік Міжнароднай асацыяцыі бокса Умар Крамлёў, а Пуцін прапанову ўхваліў.
Упершыню парад фізкультурнікаў прайшоў на Краснай плошчы ў 1919 годзе. З 1931 г. такія парады сталі штогадовымі, спачатку ў Маскве і Ленінградзе, а пазней і ў іншых гарадах СССР. Мерапрыемствы праводзіліся ў прысутнасці Іосіфа Сталіна.
Першы пасляваенны парад фізкультурнікаў (і апошні на Краснай плошчы) адбыўся ў жніўні 1945 года. Ён быў прысвечаны перамозе ў Вялікай Айчыннай вайне, у ім удзельнічалі 25 тыс. чалавек. Пазней імпрэзу перанеслі на стадыён «Дынама», дзе парады праводзілі да 1954 года, а потым традыцыя спынілася.
«На роздум далі паўгадзіны». Настаўніцы з Полацка давялося звольніцца з-за тыкток-блога2
Каментары
Наспеў час, Вова, вайсковы фрэнч надзяваць, фуражку, боты, ну і вусы адрошчваць, як без іх. І прыйдзецца навучыцца люльку у сваіх парцалянавых зубах трымаць. Ну а як. Ужо калі капіяваць, то напоўніцу.