Марзалюка спісваюць ва ўтыль? «Белая Русь» выставіла яму канкурэнта на парламенцкія выбары
Гісторык Ігар Марзалюк балатуецца ў Палату прадстаўнікоў трэці раз запар. Але на гэты раз патрапіць у парламент яму будзе нашмат цяжэй, чым у папярэдніх выпадках.
![](http://nashaniva.com/img/w840d4webp1/photos/z_2020_12/marzaliuk3_200206-el7wz-4j67w-g3uc4.jpg.webp)
Марзалюк традыцыйна зарэгістраваў сваю ініцыятыўную групу па Магілёўска-Ленінскай акрузе №84, але праўладная партыя «Белая Русь» вылучыла па ёй іншага кандыдата.
Канкурэнт Марзалюка — таксама навуковец. Дзмітрый Рагаўцоў працуе прарэктарам па выхаваўчай працы Магілёўскага дзяржаўнага ўніверсітэта. Рагаўцоў — кандыдат палітычных навук. У 2000-я нават выдаў брашуру «Дзейнасць апазіцыйных моладзевых арганізацыі ў Рэспубліцы Беларусь».
![](http://nashaniva.com/img/w732d4webp1/photos/z_2023_12/dmitriy_rogovcov_12_02_2021_3_0-a6tob.jpg.webp)
Хто пераможа на парламенцкіх выбарах па гэтай акрузе? Наіўна лічыць, што ў беларускіх рэаліях нешта вызначаць выбарцы. Рашэнне ўжо прынятае, і яно, найхутчэй, не на карысць Марзалюка.
Напрыклад, у 2016 годзе паспрабаваў працягнуць свае парламенцкія паўнамоцтвы дэпутат Мікалай Калтуноў. Пры гэтым ён не атрымаў падтрымкі ад уладаў, якія выставілі па той жа акрузе весляра-чэмпіёна Аляксандра Багдановіча. У выніку Калтунову налічылі толькі 12% галасоў.
Каментары