Загадчыцай музея ў Баранавічах прызначылі спецыялістку зусім з іншай сферы
На пасаду дырэктаркі ў Баранавіцкім краязнаўчым музеі прызначылі Наталлю Шастак, піша Bar24.by. Дагэтуль жанчына ніводнага дня не працавала ў сферы культуры.
Наталля Шастак нарадзілася ў 1977 годзе, у 2000-м яна скончыла Баранавіцкі недзяржаўны эканоміка-юрыдычны тэхнікум па спецыяльнасці «Эканоміка і кіраванне прадпрыемствам», пасля ў 2014 годзе атрымала вышэйшую адукацыю ў Баранавіцкім дзяржаўным універсітэце па спецыяльнасці «Практычная псіхалогія».
Пачынала свой працоўны шлях жанчына з пасады сакратара-справавода, працавала бухгалтарам. Апошнія 20 гадоў яна загадвала аддзяленнем першаснага прыёму, аналізу, інфармавання і прагназавання тэрытарыяльнага цэнтра сацыяльнага абслугоўвання насельніцтва Баранавіцкага раёна.
У верасні 2021 года на пасаду дырэктаркі музея была прызначаная Анастасія Саўко, работніца Навагрудскага гісторыка-краязнаўчага музея. Але апошнім часам пасада зноў была вакантнай.
Баранавіцкі краязнаўчы музей штогод прымае звыш 50 тысяч наведвальнікаў. Таксама праводзіць больш за 1200 экскурсій, арганізоўвае працу каля 20 выстаў.
У вёсцы пад Рагачовам адраджаюць традыцыю перадкаляднага ўпрыгажэння хаты саламянымі павукамі
«Верхні паверх — гэта неба, там анёлы, містэрыя, вешчуны». Наваполацкі майстар аднавіў старажытную батлейку
«Пакуль тут абсалютна дамінуе сегмент непалітычны». Да музейных выстаў ідэалогія пакуль не дабралася
Каментары