Мінчуку, які зрабіў сэлфі з бел-чырвона-белым сцягам, далі два гады «хатняй хіміі»
Суд Ленінскага раёна Мінска 14 снежня асудзіў індывідуальнага прадпрымальніка Канстанціна Васіленку.
Яго абвінавацілі яго ва ўдзеле ў акцыях пратэсту ў жніўні 2020 года, паводле ч. 1 арт. 342 Крымінальнага кодэкса. Судовы працэс вяла суддзя Анжэла Касцюкевіч, піша «Вясна».
Па матэрыялах абвінавачання, Васіленка ў жніўні 2020 года, знаходзячыся на праспекце Пераможцаў, заўважыў натоўп грамадзян, у тым ліку з рознай атрыбутыкай пратэснага характару.
Сумесна з імі, а таксама разам са знаёмым ён прайшоў да праспекта Незалежнасці па тратуары.
У адным месцы выйшаў на праезную частку дарогі, каб зрабіць фота са сцягам бел-чырвона-белага колеру.
Менавіта гэтае фота і паслужыла падставай для ягонага затрымання і абвінавачання.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава11
Каментары