Галоўнага спецыяліста Нацбанка будуць судзіць за «фінансаванне экстрэмісцкага фармавання»
29 студзеня пачнецца судовы працэс у дачыненні да галоўнага спецыяліста галоўнага ўпраўлення наяўнага грашовага абарачэння Нацбанка Аляксандра Цярэшчанкі.
Яму інкрымінаваны арт. 361-2 (фінансаванне дзейнасці экстрэмісцкага фармавання). Справу Аляксандра ў Мінскім гарадскім судзе прызначаны весці суддзя Сяргей Кацэр, піша «Вясна».
Відэа з мужчынам было паказана ў адной з праграм Азаронка — там Аляксандр «прызнаецца» ва ўдзеле ў акцыях пратэсту і рэпостах у фэйсбуку на тэму выбараў і кавіду.
У праграме Цярэшчанка таксама названы афіцэрам і «кіраўніком КДБ Барысаўскага раёна».
Каментары