Грамадства11

У Гомелі судзяць рабочага, які адзін спыніў цэх свайго завода

У судзе Савецкага раёна горада Гомеля праходзіць разгляд крымінальнай справы ў дачыненні да былога работніка ААТ «Гомельскі завод пускавых рухавікоў» Івана Памесячнага. Мужчыну абвінавачваюць у знішчэнні, блакаванні або мадыфікацыі камп'ютарнай інфармацыі, якія прывялі да цяжкіх наступстваў. За гэта мужчыну пагражае да 10 гадоў зняволення. «Флагшток» расказвае, што пра гэтага чалавека вядома.

Іван Памесячны ў цэху ААТ «Гомельскі завод пускавых рухавікоў». Фота: газета «Савецкі раён»

З паведамлення прэс-службы УУС Гомельскага аблвыканкама вядома, што 16 лістапада 2022 года на адным з гомельскіх заводаў па віне наладчыка станкоў і маніпулятараў быў спынены выпуск дэталяў. Работнік выдаліў сістэмныя файлы і выключыў модулі памяці з праграмным забеспячэннем, з-за чаго была спыненая праца 8 металаапрацоўчых станкоў з лічбавым праграмным кіраваннем.

Агульны памер нанесенай шкоды, па даных следства, складаў больш за 55 тысяч рублёў, што адпавядала асабліва буйному памеру.

Матывы, якія пацягнулі работніка заблакаваць вытворчы працэс прадпрыемства, не абвяшчаліся. У лістападзе 2022 года па гарачых слядах «Флагшток», аднак, здолеў высветліць, што інцыдэнт адбыўся на ААТ «Гомельскі завод пускавых рухавікоў», і прывёў фатаграфію верагоднага затрыманага. Цяпер гэтая інфармацыя знайшла пацвярджэнне ў раскладзе судоў.

Выпіска з раскладу суда Савецкага раёна Гомеля

Абвінавачванне ў дачыненні да Івана Памесячнага будуецца на частцы 3 артыкула 350 КК РБ, якая прадугледжвае, што дзеянні абвінавачанага пацягнулі «крушэнне, аварыю, катастрофу, няшчасныя выпадкі з людзьмі, адмоўныя змены ў навакольным асяроддзі ці іншыя цяжкія наступствы». Максімальнае пакаранне па дадзеным артыкуле — 10 гадоў пазбаўлення волі.

Іван Памесячны працаваў вясельным фатографам. Фота: сацсеткі

За год да інцыдэнту Іван Памесячны быў адным з герояў публікацыі газеты «Советский район». Паведамлялася, што ён вучыўся ў Гомельскім аўтамеханічным каледжы, затым скончыў факультэт машынабудавання Мазырскага педуніверсітэта, змяніў некалькі месцаў працы.

Акрамя працы наладчыкам на заводзе, Іван Памесячны зарабляў на жыццё вясельным фатографам. Таксама спрабаваў сябе ў мантажы кліпаў і напісанні песень.

Каментары1

  • ага
    26.01.2024
    I дзе здарылiся "крушэнне, аварыя, катастрофа, няшчасныя выпадкі з людзьмі, адмоўныя змены ў навакольным асяроддзі ці іншыя цяжкія наступствы» – спыненне выпуску дэталяў?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва60

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць